Jowai, Risaw 25
Ka Shangpung Moosyiem bad ka Mookyndur ki la ïasam mar shi dor-thong ha ka lympung ïalehkai 1st Division Football Tournament na ka bynta ka Chatister Kharkongor Memorial Trophy 2023, katba ka Sailung Ïalong ka la khur jingjop ha ka Super Division Football Tournament (Kiang Nangbah Memorial Trophy 2023).
Ïa kine ki lympung ïalehkai la pynïaid da ka West Jaiñtia District Sports Association (WJDSA) ha madan Kiang Nangbah Stadium Ladthadlaboh, Jowai ha ka sngi Balang.
Ha ka jingïalehkai 1st Division hapdeng ka Shangpung Moosyiem pyrshah ïa ka Mookyndur ka la poi sha ka jingïakhaid mar 1-1 kol. Ïa ka kol jong ka Shangpung Moosyiem la thep da u Niwanshan Sajem ha ka minit kaba 40 bad ïa ka kol jong ka Mookyndur la thep da u Jomsing Pariat ha ka minit kaba 54.
Haba phai sha ka Super Division, ka Sailung Ïalong ka la pynliem noh ïa ka Mynthong da 2-0 kol. Ïa kine la thep da u Bachan Pale ha ka minit kaba 51 & 90.
