Washington, Risaw:
U Secretary of State jong ka United States, u Antony Blinken ha ka Sngi Ba-ar, u la maham tyngeh ia ka Iran ba ka United States kan nym ailad ia ki jingleh buit-poh jong ka Iran bad ka US kan pynhiar kput ka khmat namar ka khmat lada ka Iran ka pyrshang ban pynthut ia ka shongsuk-shongsaiñ jong ka United States ha kane ka sien.
Hynrei, u Antony u la ong ba ka United States kam kwah ban wanrah daw iashrut ne ban thaw jingïakynad bad ka Iran, bad kam kwah ruh ia ka thma Israel ba kan heh ne purs ha kiwei pat ki ri, hynrei lada ka Iran ne kiwei kiwei ruh ki ri kiba don sha lyndet bad kiba pynthud ia ka shongsuk-shongsaiñ jong ka US, ka US kan nym ailad ia kum kita bad kan pynphai kylliang khlem jing isnei naka bynta ka jingshngaiñ jong ki paidbah nongshong shnong jongka bad kumjuh ruh ban iada ia la u jong u pud-u sam na ki nongshun kiba thmu ban pynthud ia ka shongsuk shongsaiñ.
Kumjuh ruh la ong ba ka United States, ka la kynnoh ia ka Iran ba ka la sdang pynthut biang ia ki shipai ka US kiba don ha Iraq, kum shi bynta ban iatrei lang bad ka kynhun Islamic State (IS).
