Mawkyrwat, Risaw 25
Shi bynta ban ai burom bad pynsah jingkynmaw ïa u Madeng Rowell Lyngdoh (Bam Kwai ha Dwar U Blei), ka Mawlangwir Sport Club lem bad ka shnong Mawlangwir ha ka sngi Balang ka la ai kyrteng thymmai noh ïa ka madan Saitsnad sha Rowell Lyngdoh Stadium.
U Bah Rowell uba long ruh u Symbud Myntri Rangbah barim ka Sorkar Jylla, u la wanrah ïa ka Civil Sub Division bad ïa ka District khamtam uba la leh shibun ki kam noh synñiang ïa ka klob bad ïa ka shnong ka thaw.
Ha kane ka sngi ai burom ïa une u rangbah, la ïadonlang naduh ki nongïalam ka Mawlangwir SC bad ki nongpynïaid shnong naduh u Bah S.K Bud-nah, President Maw-langwir SC, Bah N.S Wanñiang, Myntri Shnong, Bah Diverland Lyngdoh, Bah Meban-donnam Saiborn, uba dei u khun ksiew lem lem bad kiwei ki khun ki kti u Bah Rowell bad la ioh ruh ia ka jingshad na ka Ri Maram Folk Academy.
