Moscow, Risaw:
Ka tnat iada jong ka Russia, ka la pyntip ba ka Russia khlem da pynslem ka la phah ia ki liengsuiñ thma jong ka sha khappud jong ka phang Shathie bad Shatei hadien ba la iohi ia 2 tylli ki liengsuiñ pynhap bom bad ka drone jong ka US ha ka Sngi Ba-ar.
Katkum ka khubor na katei ka tnat, la ong ba kawei ka liengsuiñ pynhap bom B-1B jong ka US ka la leit poi sha khappud jong ka Russia hajan ka Baltic Sea ha ryngkat bad kawei ka drone Hawk kaba la leit poi shajan khappud lyngba ka duriaw Black Sea.
Kumta, la ong ba ka Russia ka la phah ia ki jet thma Su-37 ban leit syntiat bad leit pahara ia kitei ki bynta khappud jongka namar ka jingma kaba ap na kitei ki jingleh jong ka US ha katei ka sngi.
Hynrei la ong ba kane kam long ka sien ba nyngkong ia kum kane ka jingjia, namar ka Russia naduh ki taiew ba la leit ruh ka la iohi ia ki liengsuiñ bad ki jhad thma jong ka US kiba leit poi bad iaid shajan ki bynta khappud jong ka Russia khlem ka daw kaba biang.
