Mumbai, Risaw:
U Myntri Rangbah jong ka Maharashtra u Eknath Shinde ha ka sngi Ba-ar u la pynshisha da kaba ong ba u Uddhav Thackeray u la don ka jingthrang ban ïoh long Myntri Rangbah naduh u snem 2004 hynrei ki jingthrang jong u kim shym la long kam.
Ha ka jingai jingkren ha ka por ba don ka jingïaid paidbah jong ka Dussehra kaba ju long manla u snem jong ka seng Shiv Sena ba la lamkhmat da ma u ha Azad Maidan kaba don ha ka bynta ba shaphang Shathie jong ka Mumbai, u Shinde u la ong ruh ba ki la don kumba arngut ki briew kiba la kyrpad ïa u heh nongïalam jong ka seng NCP u Sharad Pawar na ka bynta ban jied ïa ka kyrteng jong u Thackeray ba un shah pynïakhun ha kane ka shuki Myntri Rangbah.
Hadien ba u la shem ba ka jingthrang jong u kam shym la urlong, u la leh mynleh noh kum u bym kwah ïa kane ka shuki.
U la pynpaw paidbah ïa ka jingleh jong u hadien ka jingïakhun ïa ka ilekshon Assembly jong u snem 2019 da ka jingai jingmut jong u Sharad Pawar. Hynrei katkum ka jingshisha kaba paw, la ong ba ki la don arngut ki briew kiba la phah sha u Pawar ïa ka jingkyrpad ban jied da ka kyrteng jong u Uddhav na ka bynta kane ka shuki Myntri Rangbah.
