Srinagar, Risaw:
Ki la don bun ngut ki nongïalam jong ka People’s Democratic bad ki nongïaleh ban pynïoh ïa ka hok jong kiwei pat ki la shahkem bad shah set hapoh ki ïingsah jong ki hashwa ban don ka jingïakhih ba la thmu ban pynlong da ka seng ban pyrshah ïa ka Israel bad ai jingkyrshan ïa ki nong Palestine, la ong ka jingthoh kaba la wan na ka seng ha ka sngi Ba-ar.
Ha kaba ïadei bad kane ka bynta kam shym la don kano kano ka jingpynshai ban pynshisha paidbah halor ka jingshah kem bad shah set jong ki. Ka Iltija Mufti, kaba long ka nongai jingmut ha kaba ïadei bad ki lad phah khubor sha ka President jong ka seng PDP bad sha ka kmie jong ka ka Mehbooba Mufti, ka la ong ba ki nongbud bad ki nongïalam jong ka seng ki la shah leh donbor tang da ka hukum jong kiwei pat.
“Ngi la thmu ban pynlong ïa ka jingïakhih ban pynpaw ïa ka jingsngewlem na ka bynta ki briew jong ka Palestine kiba la shah thombor beiñ da ka jingai hukum kiwei pat ha Israel. Naduh ka miet jong ka lah sngi U Blei kiba bun na ki nongïalam jong ka seng, kynthup ki General Secretary wat ki dkhot jong ka DDC ki la shah set hapoh ki ïingsah jong ki bad ha ki katto katne tylli ki jaka treikam jong ki pulit,” la ong ka Iltija ha ka por ba la don ka jingïalang bad ki nongthoh khubor ha Srinagar.
