Bhopal, Risaw:
Kumba la sakhi, la ong ba ki la don ki rukom pyntreikam kiba lah ban pynkylla hadien ba ka seng Congress ka la dep ban pyllait paidbah ïa ki thup jong ki kyrtong ha ka 15 tarik bad ka 19 tarik, Risaw na ka bynta ka ilekshon ha Madhya Pradesh. Ka seng ka la ieh tang kawei ka jingpynrung kyrteng na ka bynta ka Amla-SC konstitwensi.
Kane ka jingpyntreikam ka la long na ka daw jong ka jingphah shithi iehnohkam jong ka Deputy Collector ka Nisha Bangre na ka kam jong ka. Ka sorkar jylla haduh ka lah sngi U Blei ka la pynsahteng ha ka ban pdiang ïa ka jingiehnohkam jong ka, ha kaba kane ka la pynlong ïa ka seng Congress ba kan pynbna da ka kyrteng jong u Manoj Malve kum u kyrtong u ban ïeng na ka bynta ban mih bujli ha ka jaka jong ka Bangre.
Kumba ka long mynta, la ngeit ba ka seng Congress kan sa pynkylla ïa ki kyrteng jong ki kyrtong ha kumba saw tylli ki konstitwensi na ka Amla-SC konstitwensi kaba don ha Betul distrik. Ka sorkar jylla ha kaba dang shen ka MP High Court ka la bthah ba kan ai noh ïa ka rai ha kaba ïadei bad ka jingiehnohkam jong ka Bangre ha ka 23 tarik, Risaw, ha kaba khatduh ka la pdiang ïa ka jingiehnohkam jong ka na ka kam sorkar, bad ailad na ka bynta jong ka ba kan ïakhun ïa ka ilekshon Assemby ka ban long ha ka 17 tarik, Naiwieng na Amla-SC.
