Jowai, Risaw 26
Ka shlem treikam u Deputy Commis-sioner, West Jaiñtia Hills District ryngkat ka shlem treikam u District Sports Officer, ha ka 31 tarik mynta u bnai kin pynlong ïa ka jingïakop mareh kaba tip kum ka Fit India Freedom Run 4.0 bad National Unity Day Run, 2023 (Rashtriya Ekta Diwas) na ka bynta ki khynnah shynrang bad kynthei.
Kane ka jingïakop kan sdang na Main Gate Kiang Nangbah Stadium bad ïaid lyngba ïa ka Ladthadlaboh Main Road, Jowai Public School, Gate Polytechnic, Kshaid Rymphum, Salaroh, Dulong Poh-hali Road, Dulong, Pamhadem, Panaliar (Civil Hospital), Ïongpiah, Mission Compound, H.K. Singh School, D.C Office, New Hill, National Highway bad pynkut biang ha Kiang Nangbah Indoor Stadium.
Ban Registration ïa ki nongwan ïashim bynta kan long ha Kiang Nangbah Indoor Stadium, Jowai ha ka por 5:30 mynstep bad ka jingmareh kan sdang ha ka por 6 baje mynstep.
U District Sports Officer u la khot la wer ïa ki khynnah bad samla kiba napoh ka District ban wan ïashim bynta ha kane ka jingïakop bad ka khusnam sha ki nongjop kan long da ka song pisa.
