Shillong, Risaw 26
Ka lympung ïalehkai 37th National Games ka la sdang ha ka sngi Palei ha Pandit Jawaharlal Nehru stadium ha Fatorda, South Goa kaba la plie pyrda da u Myntri Rangbahduh ka ri u Narendra Modi.
Ha kane ka lympung la wan ïashim bynta da 10 hajar ngut ki nongïalehkai na ki 28 tylli ki jylla jong ka ri ha ki 43 tylli ki jingïalehkai bapher bapher.
Na ka liang ka Megha-laya ka la phah 45 ngut ki nongïalehkai sha kane ka lympung ki ban ïakhun ha khyndai tylli ki jingïalehkai kiba kynthup ïa ka Athletics, Football ki shynrang, Swimming, Wushu, Boxing, Golf, Shooting, Kayak bad ka Sqay kaba dei ka jingïalehkai martial arts. Te kumta kane ka kynhun ïalehkai ka Jylla kan sdang ban ïashim bynta naduh 30 tarik shaneng.
Ki jingïalehkai bathymmai ha kane ka lympung ki long ka beach football, roll ball, golf, sepak takraw, sqay martial arts, kalliya rapattu bad ka pencak silat. Kumjuh ka Kho Kho, yogasana bad ka mallakhamb ki la long kiba nyngkong ban paw ha ka National Games.
Ka Taekwondo bad ka yachting ki la wanphai biang sha kane ka lympung mynta u snem hadien ba ki la shah weng na ka Natio-nal Games jong u snem ba la dep. Kiwei pat ki jingïa-lehkai ha kane ka lympung ki long ka lagori, gatka, gymnastics, rowing, hockey, boxing, shooting, water polo, lawn tennis, snooker, handball, judo, table tennis bad kiwei kiwei.
Ha katei ka sngi plie la ïadon lang ruh u Myntri Rangbah ka Goa Pramod Sawant, kumjuh u Myntri ka tnat ïalehkai jong ka Sorkar Pdeng u Anurag Singh Thakur, u Myntri ka tnat ïalehkai jong ka Goa u Govind Gaude bad u Myntri ba dei khmih ïa ki kam jngohkai u Shripad Naik bad kiwei.
Ha ka National Games 2022 kaba la long ha Gujarat, ka Services ka la rah ia ka nam lahduh, hadien la pynbud sa ka Maharashtra bad ka Haryana, kiba la wan ha ka kyrdan ba-ar bad balai. Ka Meghalaya ha katei ka lympung kam shym la lah ban khur wat tang kawei ka takma. Pynban mynta ka kynti ka la khmih lynti ban ïalehkai bha khamtam ha liang ka phutbol namar kiba bun na ki rangïalehkai ki dei kiba la ïadon bynta bad ka kynhun kaba la wan ba-ar ha ka Santosh Trophy mynta u snem bad ruh yn shimti biang da u Bah Khlaiñ Pyrkhat Syiem-lieh kum u coach.
