Khliehriat, Risaw 27
Ka Wahïajer Narpuh bad ka Para ‘I’ SC ki la ïoh jingjop ha ka lympung ïalehkai 1st Open to All Veteran Football Tournament ba la pynïaid da ka East Jaiñtia Hills District Football Association ha madan Artificial Turf kaba don ha Diengshynrum, Khliehriat ha ka sngi Palei.
Ha ka jingïakhun kaba nyngkong, ka Wahïajer Narpuh ka la pynliem noh da 1-0 kol ïa ka Dieng-shynrum SC. Ïa kane ka shi kol la thep da u Banjop Suting ha ka minit kaba 18.
Haba phai sha ka jingïakhun kaba bud, ka Para I SC ka la pynliem da 6-1 ïa ka Sutnga. Ïa ki kol jong ka Para la thep da u Socialborn Kurbah ha ka minit kaba 11 min & 43, katba u Sooki Lamare ula khyrwit da ka hat-trick da kaba thep haduh saw kol ha ka minit kaba 28, 4, 54 bad 56. Katba ka shi kol jong ka Sutnga la thep da u Riewehkupar Sutnga ha ka minit kaba 49.
