Washington, Risaw:
Ka House of Representatives jong ka United States ha kane ka kynti ka la ioh ban jied ia u Lamphang bathymmai ha ka Sngi Balang hadien katto katne taiew ka jingkhih win hapoh katei ka iing Myntri ban jied ia u Lamphang bathymmai.
Hynrei la ong ba ka House of Representatives ha kane ka sien, ka la jied ia u Mike Johnson kum u Lamphang ba thymmai jong katei ka iing Myntri. U Mike Johnson u long u paralok jong u President barim ka United States- u Donald Trump.
Haba ai jingkren sha ki paidbah ha katei ka sngi, u Johnson u la ong ba u ngeit skhem ba ki paidbah ka America ha kane ka kynti, ki dap da ka jingsngew kmen bad jingsngew sarong ban iohi ia u kum u Lamphang ba thymmai bad u ban long ruh u nongialam ban wanrah biang pat ia ka jing shaniah na ki paidbah sa shisien pat.
Watla katta, la ong ba u John um pat ju don bynta kum u nongialam ka Committee ne u nongialam jong kano- kano ruh ka bynta kaba kham halor kumba u la ioh lad ha kane ka sien mynta.
