Shillong, Risaw 26
Ka lympung ïalehkai Third Division Football League ba la pynïaid da ka Shillong Sports Association (SSA) ka la jam sha ka quarter final ha kaba phra tylli ki kynhun kin pynkhreh ban ïaknieh ïa ka nam lahduh.
Kine ki kynthup ïa ka Meghalaya Police (MLP) Football Team, Sanmer SC, Pay For Right Football Academy, Lawmali Pyllun SC, Mylliem Lum SC, Nongmynsong SC, Tynring SC bad ka Nongkseh SC.
Ka jingïakhun quarter final kaba nyngkong kan long ha ka 6 tarik u Naiwieng hapdeng ka MLP pyrshah ïa ka Sanmer ha ka por 2 baje bad ka 7 tarik ka PFR ïa ka Lawmali. Ki jingïakhun semi final kin long ha ka 21 tarik bad ka final yn pynlong ha ka 25 tarik u Naiwieng.
