Shillong, Risaw 27
Ka Shillong Sports Association kan sdang noh sa ïa ka lympung ïalehkai Second Division Football Tournament 2023 naduh 30 tarik mynta u bnai ha SSA Stadium, Polo.
Ha kane ka lympung ki don 14 tylli ki kynhun ki ban ïashim kaba la phiah sha ar tylli ki group. Ha ka Group-A ki long ka Mawtawar SC, Sohryngkham SC, Laitlyngkot SC, Jongksha SC, Nongkrem SC, Sohïong SC bad ka Marbisu C, katba ha ka Group-B ki kynthup ïa ka Nongrah SC, Pohkseh SC, Lumshyiap SC, lmson SC, Umphrup SC, Laitkyrhong SC bad ka Smit SC.
Ki kynhun ki ban ïakhun nyngkong ha ka 30 tarik kin long hapdeng ka Mawtawar SC pyrshah ïa ka Sohryngkham SC ha ka por 11:30 mynstep, katba ka Laitlyngkot SC ïa ka Jongksha SC ha ka por 1:30 mynsngi.
