Kohima, Risaw:
Ka kynhun bathymmai jong ki nongkitkam jong ka seng Bharatiya Janata Party (BJP) ha Nagaland, kaba hap hapoh ka jingïalam jong u President ba dang shah jied thymmai Benjamin Yepthomi, ka la shah pdiang ha ka jingkhmih bniah jong u President jong ka seng ha ka ri u JP Nadda.
Katkum ka khubor ba la pyllait la ong ba ïa ka thup kyrteng jong ki nongkitkam kiba thymmai la dep ban pyllait.
Ki nongkitkam kiba dang shah jied thymmai ki kynthup ïa ki State Vice President, ki State General Secretary, ki General Secretary (ORG), ki State Secretary, u State Treasurer, Office Secretary, bad ki heh nongkhmih jong kiba bun ki Morchas kiba la dei ban khmih bniah halor ka jingbha jong ki konstitwensi ba ki dei ban pyntreikam.
Ki State Vice President ki kynthup ïa u Kropol Vitse (Kohima); Basu Damani (Dimapur); S Phangnon Konyak (Mon); Hurui Zeliang (Peren); Yankithung Yanthan (Wokha), bad u H Haiying (Noklak).
Ki State General Secretary ki kynthup ïa u Sunep C Jamir (Mokokchung) bad Manai Konyak (Mon). Ïa ka kyrdan kum u General Secretary (ORG) la bat da u Abhay Giri.
Ki State Secretary ki kynthup ïa u Melandialiu (Tening); Easter Chang (Tuensang); Shilukaba Longhcar (Mokokchung); Vechita (Phek); Tafi Snock (Meluri) bad Aliba Sangtam (Longkhim Chare).
U Mahesh Kotecha, uba na Dimapur, u la shah thung kum u State Treasurer. Ïa ka kam kum u Office Secretary la bat da u P Kavili Achumi (Kohima).
Ki nongïalam jong ki Morchas ba bun ki kyntup ïa u jong ka Mahila Morcha: Shanbeni (Chumoukedima); Yuva Morcha: Hinoka (Niuland); ST Morcha: Tsachola Sangtam (Kiphire); Kisan Morcha: Er Cheong Konyak (Mon); OBC Morcha: Prabakhar Yadav (Dimapur) bad Minority Morcha: Ankit Jain (Dimapur).
