Nongstoiñ, Risaw 27
Ka kynhun ïalehkai jong ka MLP-B (4th MLP Battalion Sohpian) ka la rah ïa ka nam lahduh ha ka lympung ïalehkai 1st Inter Dong Football Tournament 2023 ba la pynlong da ka Nongsohpian Sports & Cultural Club .
Kane ka nam jop ka la wan urlong hadien ba ka la lah ban pynliem noh ïa ka Domseheiñ lyngba ka tie-breaker da 4-3 kol hadien ka jingïakhaid khlem da don mano-mano ban ïoh thep kol ha ka jingïalehkai phainal kaba la long ha ka sngi Thohdieng ha madan shnong Nongsohpian, West Khasi Hills.
Ha katei ka sngi u Block Development Officer (BDO) ka Nongstoiñ C&RD Block u Bah T. Diengngan u la long u kongsan ha ka jingdonlang ruh u Sordar ka shnong Nongsohpian u Bah Sirian Wahlang, u Bah Lakador Syiem, Commandant ka 4th MLP Battalion Sohpian, ki nongkitkam ka klob, ki riew rangbah bad kiwei kiwei kiba la sam ruh ïa ki khusnam sha ki ar tylli ki kynhun kiba la poi sha ka final.
