Shillong, Risaw 27
Ka Mawkriah West SC ka la long sa kawei pat ka kynhun ka ban jam sha ka semi final ha ka SSA 4th Division Football League 2023, hadien ba ka la lah ban pynliem noh ïa ka Mawkasiang SC lyngba ka tie-breaker da 4-3 kol ha ka sngi Thohdieng.
Ha kane ka jingïakhun quarter final kaba la long ha SSA Stadium baroh ar kynhun ki la pyrshang ban ïakhun tyngeh naduh kaba sdang, hynrei kim shym la lah ban thep kol haduh kaba kut jong ka jingïalehkai.
Kumta na ka liang ki bor pynïaid ki la rai ban pynïashut noh da ka tie-breaker. Ha kane ka tie-breaker ka Mawkriah West ka la tam da 4-3 kol ïa ka Mawkasiang na ka bynta ban khur syndon ïa ka jingjop.
Kawei pat ka jingïakhun quarter final kaba khatduh kan long ha ka sngi Saitjaiñ hapdeng ka Madan S&CC pyrshah ïa ka Lamlynti FC ha ka por 2 baje janmiet.
