Shillong, Risaw 27
Ka kynhun ïalehkai ka Jylla ka la bteng biang ïa ka jingshah rem ha kaba kut jong ka lympung ïalehkai Syed Mushtaq Ali Trophy 2023 T20 Tournament sa ha ka Baroda da 7 wiket ha Jaipur.
Haba shimti ban tied nyngkong, ka Meghalaya ka la kamai 65 run bad shah pynkhyllem 8 wiket ha ki 20 over, hynrei ka Baroda ka la lah ban kynjoh sha ka thong bad shah pynhap 3 wiket ha ki 5.2 over.
U Anish Charak (not out) u la tied 19 run na ki 20 bol, katba u Akash Kumar Choudhary u la ïoh 10 ruh na ki 13 bol. Kham hashwa u Lerry Sangma u la noh synñiang da kaba tied 16 run na ki 22 bol.
Ha kawei pat ka liang ka Meghalaya kan ïalehkai ha ka sngi Saitjaiñ pyrshah ïa ka Saurashtra ha ka lympung ïalehkai Senior Women’s T20 Trophy.
Haba phai sha ka jingïakhun ha ka sngi Palei, ka Meghalaya ka la shah rem noh ha ka Chandigarh da 104 run. Ka Chandigarh ka la buh ïa ka thong da kaba kamai 147 run bad shah pynkhyllem 3 wiket. Ka Ajima Sangma (1/22 ha ki 4 over), Rebeldalis Syiemlieh (1/27 ha ki 4 over). Hynrei haba wan beh ïa ka thong ka Meghalaya ka la kamai tang 43 run bad shah pynkhyllem 9 wiket ha ki 20 over. Ka Luiza Tamang ka la lah ban tied 15 run na ki 20 bol.
