Shillong, Risaw 27
Ka Meghalaya Gymnastics Association (MGA) ka la shim ïa ka sien jam ban ai jinghikai ïa ki khynnah ïalehkai bad kane ka long ban pynkhreh ïa ka kynhun ka ban leit ïashim bynta ha ka Meghalaya Games ka ban sa long ha Tura ha u Kyllalyngkot, 2024.
Ïa kane ka prokram ai jinghikai ïa ki khynnah la sdang naduh 21 haduh ka 24 tarik mynta u bnai ha SAI Training Centre, Shillong.
Watla ka Jylla kam don ïa ki coach ba pura ha kane ka jingïalehkai, katei ka synjuk ka la wanrah da u coach ba kyrpang na Dibrugarh District jong ka jylla Assam u Arjun Singh Khwairakpam na ka bynta ban pynbit pynbiang ïa kitei ki khynnah ba kin long kiba janai ha ka kam ïalehkai bad la ïarap lang da ka Kong Idalin Malngiang kaba dei ka Asst Coach.
