Jowai, Risaw 29
Ka shlem treikam District Sports Officer (DSO) jong ka West Jaiñtia Hills District ryngkat ka jingïatreilang bad ka West Jaiñtia District Sports Association (WJDSA) kan pynlong ïa ka lympung ïalehkai ‘Open Volleyball Championship 2023 na ka bynta ki khynnah shynrang bad kynthei.
Baroh ki kynhun ne ki club, ki skul, ki kolej bad kiwei kiwei kiba hap hapoh ka West Jaiñtia Hills District, la khot sngewbha ba kin ïashim bynta ha kane ka lympung ka ban pynlong ha u Naiwieng (November) bad Nohprah (December).
Ka tarik ba khatduh na ka bynta ban pynpoi ïa ki kyrteng la buh ba kan long ha ka 9 tarik jong u Naiwieng 2023. Kumta kino kino ki ban ïashim bynta ki lah ban wan shim ïa ka Form na ka shlem treikam u DSO ha ka por long trei. Ïa ka tarik bad ka jaka ban pynlong yn sa pyntip hadien.
