United Nations, Risaw:
U nongrah ktien jong ka Israel sha United Nations, u Gilad Erdan, ha kane ka kynti u la pynshai bad ong ba ka Israel kam shym la leit ban hiar thma ia ka Palestine lane ia ki nong Palestine.
Hynrei u la ong ba kane ka thma ka long pyrshah ia ki lehnoh Hamas jong ka Palestine bad kumta ruh ka Palestine kam dei ban sngewthuh bakla ne ban shim da kumwei pat bad kumjuh ruh kiwei ki ri ba nabar kim dei ban shim kabu ne ban kynshoit bakla ia ka Palestine namar kane kam long ka thma pyrshah ia ka Palestine hynrei tang ia kitei ki lehnoh Hamas kiba don ha Gaza.
Ha kajuh ka por ruh u la ong ba ym dei ka Israel kaba sdang ia ka thma, hynrei ka shu kput ia ka jingleh dusmon jong kitei ki lehnoh ia ki paidbah jong ka.
