Gaza, Risaw:
Ka Hamas ha ka Sngi U Blei ka la pynbna ba ki lehnoh jong ka ki dang don hapdeng ka jingiakhun kaba shyrkhei bad ki shipai ka Israel hadien ba ka Israel ka la phah ia ki shipai ryngkew ban leit hiar thma ia ka Gaza ha kylleng ki thaiñ jong ka Palestine.
Ha katei ka sngi, ki heh ka Hamas ki la iathuh ba ha ka jing-iakhun na ryngkew, ki lehnoh Hamas ki la ioh ban siat pynbthei ia 2 tylli ki tup (tank) jong ki shipai Israel kiba la wan rung sha Gaza hapoh jong ki khyndiat kynta ba la leit.
Namar la ong ba ki shipai ka Israel ki dang iai bteng ia ka jingther bom bad jingther ‘namding sha ka phang North jong ka Gaza tad haduh ka janmiet jong katei ka Sngi U Blei ruh.
