Guwahati, Risaw:
Ka pisa thok kaba la kot sha palat T. 3 lak ka la shah kurup noh ha ka por ba ka la don ka jingleit khynra ha ka rel ha Bongaigaon ha Assam.
Hadien ba la ïoh jingtip shaphang ka jingdon jong ki briew kiba rah ïa ka pisa thok, ki pulit jong ka tnat Railway ki la pynlong ïa ka jingkhynra ha ka rel Kanchenjunga Express kaba la poi ha New Bongaigaon Express.
Ïa ka pisa thok kaba la kot sha ka T. 37 lak bad 17 hajar la ïoh ban kurup na kawei ka bynta jong ka rel. Uwei u briew ïa uba la tip kyrteng kum u Sadiq Raza u la shahkem ha ryngkat ka pisa thok.
U Raza hadien khyndait por u la phla ba u la rah ïa kane ka pisa thok na Guwahati. Ha kaba ïadei bad ka jingjia, une uba la shah kynnoh u la shah rah sha patok ha ki pulit na ka bynta ka jingtohkit.
