Shillong, Risaw 31
Ka tnat ïalehkai jong ka North Eastern Hill University (NEHU) ka la sdang ïa ka lympung ïalehkai Inter College Football (Women) Tournament 2023 ha ka Lah Sngi U Blei ha SAI-STC, Shillong.
Ïa kane ka lympung la plie da u Prof. L. Kma kum u kongsan ha kaba la ïadon lang ruh u N. Das, Asst. Director (PE & Sports), NEHU cum Organising Secretary jong kane ka lympung nalor kiwei pat.
Haba ïadei bad kane ka sngi sdang, ka Lady Keane College, Sngap Syiem College na Mawkyrwat bad ka St. Edmund’s Colege ki la khur ïa ka jingjop.
Ka Lady Keane ka la pynliem noh ïa ka Nongstoiñ College da 2-1 kol, kumjuh ka Sngap Syiem ka la jop ïa ka Shillong College da 1-0 kol bad ka St. Edmund’s ka la pynliem noh ïa ka Nabon Synod College, Shillong da 3-0 kol, katba ka NEHU Shillong bad ka St. Anthony’s College ki la ïasam mar shi point hadien ba kim shym la lah ban thep kol haduh kaba kut ka jingïalehkai.
Haba phai sha ki jingïakhun ha ka sngi Ba-ar, ka Shillong College ka la pynliem noh ïa ka St. Edmund’s College da 3-1 kol bad ka Sngap Syiem College na Mawkyrwat ka la jop da 5-0 kol ïa ka Nabon Synod College.
Ka Lady Keane College ka la ïakhaid khlem don ba thep kol pyrshah ïa ka St. Anthony’s College, katba ka NEHU Shillong ka la ïakhaid khlem don bat hep kol bad ka Nongstoiñ College.
