Shillong, Naiwieng 01
Ka FIFA ha ka Lah Sngi U Blei ka la pynbna ba ka la sospon lai snem kyntih pyrshah ïa u nongïalam barim ka synjuk ïalehkai phutbol jong ka Spain u Luis Rubiales hadien ba u la doh jubor na shyntur jong ka Jenni Hermoso hadien ka World Cup.
Katei ka jingrai sospon ka long ba u Rubiales um lah ban ïadon bynta ha kino kino ki lympung ïalehkai na ka bynta 90 sngi hadien ba u la doh ïa katei ka nongïalehkai hadien ba ka Spain ka la rah ïa ka nam lahduh ha ka Women’s World Cup kaba la long ha Sydney h u Nailar mynta u snem.
Na ka liang ka Hermoso ka la ong ba katei ka jingjia ka long kum ka jingshah thombor ha utei u nongïalam. Te kumta hadien u Rubiales ha u Nailur u la ïehnohei ïa katei ka kam kum u nongïalam ka Spanish Football Federation.
“Ka disciplinary committee jong ka FIFA ka la sospon ïa u Luis Rubiales, uba long u president barim ka Spanish Football Association (RFEF), ha kaba ym lah ban ïadon byna ha baroh ki lympung ïalehkai phutbol ha kine ki lai snem,” la pynbna katei ka synjuk kaba na Zurich. Ka FIFA ka la ong ruh ba u Rubiales un shim ïa kane ka jingshah sospon ha kaba kan treikam naduh ka Lah Sngi U Blei.
