Jerusalem, Naiwieng:
Khyndai ngut ki shipai ka Israel ki la kyllon iap hapdeng ka jing-iakhun bad ki lehnoh Hamas hapoh Gaza ha ka Sngi Ba-ar. Kane ka la kyntiew ïa ka jingdon jong baroh ki shipai ka Israel kiba la kyllon iap naduh ka 7 tarik u Risaw sha ka 326 ngut tat haduh jong kane ka Sngi Ba-ar.
Ar ngut kiwei pat ki shipai ki la mynsaw ha ka jingïather kuli hapoh u pud u sam jong ka Palestine hi, ha katei ka sngi.
La ong ba ka Israel ka la pynduna ïa ka jingphah leit ther bom da ki liengsuiñ bad ka la phah leit tur noh da ki shipai ryngkew ban leit iakhun thma pyrshah ïa kitei ki lehnoh Hamas hapoh Gaza bad ban ioh synshar hi noh ruh ïa katei ka nongbah Gaza kaba long jong ka Palestine ha ki por ba la leit.
