Shillong, Naiwieng 01
Ka lympung ïalehkai NEHU Inter College Football (Women) Tournament 2023 ka la jan poi artad sha kaba kut ha kaba ki saw tylli ki kynhun ki la jam sha ka semi final.
Kine kynthup ïa ka Lady Keane, Shillong College, Sngap Syiem College na Mawkyrwat bad ka Nongstoiñ College. Kine kynhun kin pynkhreh ban ïakhun semi final ha ka Sngi Thohdieng (3 tarik).
Haba phai sha ki jingïakhun kiba la long ha ka Sngi Balang ha SAI-STC Shillong, ka Sngap Syiem ka la pynliem noh ïa ka St. Edmund’s College da 1-0 kol, ka Shillong College ka la jop da 3-0 kol ïa ka Nabon Synod College. Ka Nongstoiñ College ka la pynliem noh ïa ka St. Anthony’s College da 2-0 kol bad ka Lady Keane ka la jop ïa ka NEHU Shillong da 2-0 kol.
