Saipung, Naiwieng 01
Ka Lakasein SC bad ka Jalaphet Bri Sumer SC ki la khur ïa ka jingjop ha ka lympung ïalehkai Super Division Football League ba la pynïaid da ka Saipung Block Sports Association (SBSA).
Kane ka la wan hadien ba ka Lakasein SC ka la lah ban pynliem noh ïa ka Jarain SC, katba ka Jalaphet Bri Sumer SC ka la pynliem ïa ka Latyrke SC ha ka sngi Ba-ar ha madan Lamyrsiang.
Ha kane ka jingïakhun ka Lakasein SC ka la pynliem da 2-0 kol ïa ka Jarain SC. Ïa kine la thep da u Edamon Palem ha ka minit kaba 66 bad 78.
Ha ka jingïakhun kaba bud, ka Jalaphet Bri Sumer SC ka la pynliem da 3-2 kol ïa ka Latyrke SC. Ïa ki kol jong ka Jalaphet la thep da u Plidar Dkhar ha ka minit kaba 28, u Ioanis Chyr-mang ha ka minit kaba 65 bad u Bing Chyrmang ha ka minit kaba 82. Katba ka shi kol jong ka Latyrke la thep da u Bankyrshan Syiemlieh ha ka minit kaba 34 bad Ïaisnoh Dkhar ha ka minit kaba 70.
Haba phai shaka miej iakhein poin kaba mar ar sien iakhun, ka Jalaphet Bri Sumer SC bad ka Mulait United FC ki dei ki kynhun kiba hakhlieh duh ha kaba ki la kamai mar 6 poin hadien ba ki la khur jingjop haki artylli ki jingiakhun, bud sa ka Narwan SC bad ka Shnongrim SC kiba la kamai 4 poin, ka Latyrke SC, ka Tluh SC, Lamyrsiang SC bad ka Lakasein SC ki kamai mar 3 poin.
Kane ka lympung kan bteng biang ha ka sngi Palei ha kaba ka Mynthning SC kan ïakhun pyrshah ïa ka Narwan SC ha ka por 11:30 baje mynstep, katba ka Jalaphet Bri Sumer SC ïa ka Mulait United FC (1:30 PM).
