Khliehriat, Naiwieng 02
Ka lympung ïalehkai 1st Open to All Veteran Football Tournament ba la pynïaid da ka East Jaiñtia Hills District Football Association ka la nang jam shaphrang ha madan Artificial Turf Diengshynrum, Khliehriat.
Ha ka jingïakhun kaba la long ha ka Sngi Palei, ka Tyllilang ka la pynliem noh ïa ka Nongthymme da 3-1 kol. Ïa kine kol la thep da u Mebirthroy Nongrum ha ka minit kaba 12, Pyrkhatlang Masharing (46) bad Synjuplang Marpan (75). Katba ïa ka kol jong ka Nongthymme la thep da u Khrehsuk Lapasam ha ka minit kaba 21.
Haba phai sha kawei pat ka jingïakhun kaba bud, ka West Jaiñtia Police ka la pynliem da 4-1 kol ïa ka OIG FC. U V.D Sangahiwot Rymbai u la thep ar kol na ka bynta ka West Jaiñia Police ha ka minit kaba 11 & 69 bad u Ram Dkhar ha ka minit ba 37 & 56. Katba ïa ka kol jong ka OIG la thep da u Balumlang Lyngdoh ha ka minit ba 63.
