Shillong, Naiwieng 02
Ka Shillong Lajong FC ka la pynbna ïa ki kyrteng jong 30 ngut ki rangïalehkai ki ban mihkhmat ïa kane ka klob na ka bynta ka lympung ïalehkai I-League 2023-24.
Kane ka kynhun ïaleh-kai na ka nongbah kaba la wanphai biang sha ka I-League, kan sdang ïa ka jingïalehkai kaba nyng-kong mynta ka aïom shabar na la ïing pyrshah ïa ka Mohammedan Spor-ting ha ka sngi Thohdieng ha ka por 7 baje janmiet ha Naihati Bankimanjali Stadium, West Bengal.
Kane ka jingïakhun kan long kaba kham eh ïa ka Lajong namar ka Mohammedan ka long ka kynhun kaba khlaiñ bor bad ha ka jingïalehkai ba la dep ka la lah ban pynliem ïa ka Aizawl FC da 2-1 kol.
Ha kane ka kynti kaba mynta ka Lajong ka la soi ïa ki saw ngut ki rangïa-lehkai nabar ri kata u rang -ïalehkai ‘dien na Brazil u Daniel Goncalves, kum-juh u rangïalehkai sha-khmat na Senegal u Abdou Karim Samb, u rangïalehkai shapdeng na Brazil u Renan Paulino de Souza bad uwei pat u rangïalehkai shakhmat na Japan u Takuto Miki.
Kumba ka paw kane ka long ka aïom ïalehkai kaba shiphew jong ka Lajong ha kane ka lympung, hynrei ha kane ka kynti kaba mynta ka la khmih lynti ban ïalehkai bha na ka bynta ban kynjoh sha ki kyrdan ba kham shakhmat. Te kumta ki rangïalehkai nabar ri kin hap ban ïalehkai bha hapoh ka jingïalam u coach u Bah Bobby Lyngdoh Nongbet.
Kane ka klob ka la wanrah ruh ïa ki rangïaleh -kai na kiwei pat ki klob ka Jylla kum u Atlanson Kharmaw, Kynsaibor Lhuid bad u Ronaldkydon Lyngdoh Nonglait, katba kiwei ki dei kiba la wanphai biang sha kane ka klob kum u Kynsailang Khongsit, Hardy Cliff Nongbri, Phrangki Buam, Neithovilie Chalieu, Kenstar Kharshong bad u Allen Lyngdoh Nongbri. Kane ka klob ka la wanrah ruh ïa u rangïalehkai na Bengaluru FC u Damait-phang Lyngdoh lem bad iwei pat ki rangïalehkai jong ka thain shatei lammihngi kum u Ngamsang -lena Haokip bad u Laiwang Bohham.
Ki la don katto katne ngut ki rangïalehkai kiba la ïalehkai na kane ka klob naduh ka Second Division League bad kumjuh ha ka Meghalaya State League.
“Ka long ka jingkmen kaab khraw hadien ba ngi la ioh rung sha ka I-League. Te kumta ngi thrang ban ialehkai bha naduh kaba sdang jong kane ka aiom, ka ban iakhun nyngkong pyrshah ia ka Mohammedan Sporting,” la pynpaw u coach kane ka kynhun u Bah Bybby.
“Ki rangialehkai katno ki thrang ban ioh ialehkai bha ha kane ka lympung jong ka I-League hadien ba ngi la lah ban ialehkai bha ha ka 2nd Division I-League.”
Hadien katei ka jingïakhun kaba nyng-kong, ka Lajong kan wanphai sha la ïing na ka bynta ban pynkhreh ïa ka jingïakhun kaba nyngkong ha la ïing pyrshah ïa ka NEROCA ha ka 9 tarik mynta u bnai.
