Shillong, Naiwieng:
Ka MasterChef India ka la long kaba la pynkhreh ban pdiang sngewbha ïa u nongshet ba pawnam u Chef Marco Pierre White kum u nongshah khot sngewbha ba kyrpang, da kaba bynrap ba une u nongshet ba pawnam un nang kham pyni shong-khia shuh shuh ïa kane jingïakob.
U Chef Marco u la wanrah ruh ïa ka buit thymmai ha kane ka jingïakob kaba yn tynjuh ïa ka jingstad jong kine ki nongïakob kiba ju shet jingshet ha ïing. Ha kane ka Episode yn lah ban sakhi ïa ka Nambie Jessica Marak kaba long kaba kloi ban aiti noh ïa ka card ba kyrpang kaba ai jingshngaiñ ïa ka ne ka Safety Power Card jong ka, tang ban ïoh ban pyni ïa ka jingshet jong ka sha u Chef Marco.
Katba, ka Prachi Agarkar, ka hap ban mad ïa ka jingeh kaba kam lah ban mutdur, kaba lam shaduh ka jingpait jong ka pliang. Ryngkat ka jingsngewthuh ïa ka jingma kaba don haba leit rah ïa ka pliang bam kaba don bad ki lyngkhot ïit, ha kaba ki nongbishar ki kyntait ïa ka pliang jong ka. U Chef Marco u la ïaroh ïa ka jingshlur jong ka Nambie bad ïa ka rukom shet ïa ka bam jong ka ïa kaba la leh da ka jingïeid, bad u la pynpaw ruh ïa ka jingsngewïeid jong u ïa ka Paplet kaba ka Prachi Kharda ka la shet, ha kaba u la ong ba ka long shisha ka por ba ka jingsngew ka khleh lang bun jait.
Ha kane ka Rpisode ka ban wan, ki nongïashim bynta kin hap ban pynkhreh ïa ka bam da kaba pyndonkam tang 250ml ka um ha ki 90 minit, hynrei kane ka jingïakob kan don ruh ka jingpyneh ha ka jingïakob ha kaba ki nongïashim bynta kin ym ïoh ban pyndonkam ïa ka Gas ne ka Electric kumba 15 minit eiei ha kaba sdang jong ka jingïakob hynrei kin ïoh ban pyndonkam ïa ki tang 15 minit ha shwa ban kut ka por. Kane ka jingïakob ka tynjuh shisha ïa ki nongïashim bynta ba kin nang ban pyndonkam ïa kaei ba ki don, ba kin wad ïa ki buit thymmai bad ba kin nang ban pyndonkam ïa ka por haba ki mad ïa kine ki jingeh ban pynkhreh ïa ka bam kaba lah ban pynsngewhun ïa ka jingangnud jong u Chef Marco bad ha kajuh ka por ban pynsngewtynnad ne pynhun ïa ki nongbishar ki ban mad ïa ka bam jong ki.
