Saipung, Naiwieng 03
Ka lympung ïalehkai Super Division Football League ba la pynïaid da ka Saipung Block Sports Association (SBSA) ka la kut da ka jingïakhaid ha baroh ar tylli ki jingïakhun.
Ha ka jingïakhun kaba nyngkong kaba la long ha madan ïalehkai Lamyrsiang ha ka sngi Thohdieng hapdeng ka Lamyrsiang SSC bad ka Latyrke SC ka jingïakhun ka la kut da ka jingïakhaid da mar 1-1 kol.
Ha kane ka jingïakhun ka Latyrke ka la ïoh ban pynkhih jar nyngkong ha ka minit kaba 44 ba la thep da u Fadical Pohshna, katba ka Lamyrsiang ka la ïoh ban pynïakhaid ha ka minit kaba 76 lyngba u Go Goa Hangsing.
Ha ka jingïalehkai kaba bud, ka jingïakhun ka la kut khlem da lah ban thep kol.
Ha ka 6 tarik ka jingïalehkai kan long hapdeng ka Latyrke SC pyrshah ïa ka Shnongrim SC ha ka por 11:30 baje mynstep, ka Lakasein SC pyrshah ïa ka Tluh SC ha ka por 1:30 mynsngi.
