United Nations, Naiwieng:
Ka United Nations ha ka Sngi Balang, ka la ong ba ka jingther bom jong ka Israel sha ka jaka sah ki phetwir hapoh Gaza Strip ka long ka jingpynkheiñ ia ka aiñ thma bad ka long pyrshah ruh ia ka hok long briew- man briew jong ki paidbah namar ka Israel kam kheiñ shuh wat ban shim naphang ia ka jingim jong ki riew paidbah kiba lui-lui bad kiba don ha katei ka jaka.
Ka UN ka thew ia ka jingleit ther bom jong ka Israel ha ka jaka shong ki phetwir ha Jobalia, ha kaba bun ngut ki la khlad bad bun ngut ruh ki la mynsaw ha katei ka jingjia, watla katei ka jingther bom jong ka Israel ha katei ka sngi ka long kaba sei-soh, ha kaba uwei u nongialam bakhlieh jong ka Hamas- u Ibrahim Biari u la kyllon iap ha katei ka jingjia.
Kumta, ka UN ka la ong ba haba khmih bniah ia ki jingjot- jing julor na katei ka jingther bom jong ka Israel sha Jobalia ha ka Sngi Ba-ar, ka long ka jing pynkheiñ ia bun tylli ki aiñ thma bad kaba long be-aiñ ruh haduh katta.
Namar la ong ba ka Israel ka la ai jingsneng bad thombor dusmon ia ka Gaza baroh kawei hadien ba ki lehnoh Hamas ki la pyni bor bad thombor ia ka Israel ha ka 7 tarik jong u Risaw.
