Khliehriat, Naiwieng 03
Ka Thangskai Tiger SC bad ka Khliehriat West YWSC ki la khur jingjop ha ka lympung ïalehkai Super Division Football Tournament ba la pynïaid da ka East Jaiñtia District Football Association (EJHDFA) ha ka sngi Thohdieng ha madan Artificial Turf Diengshynrum, Khliehriat.
Ka Thangskai Tiger SC ka la pynliem ïa ka Moolamanoh SC da 1-0 kol. Ïa kane ka shi kol la thep da u Ruki Syrti ha ka minit kaba 61.
Ha ka jingïakhun kaba bud, ka Khliehriat West YWSC ka la pynliem da 2-1 ïa ka Dhana SC. Ïa kine ki kol jong ka Khliehriat West YWSC la thep da u Sandy Kassar ha ka minit kaba 36 bad kaweipat lyngba ka penalty ha ka minit kaba 82.
Katba ka shi kol jong ka Dhana la thep da u Rimonlang Sumer ha ka minit kaba 63.
Kane ka lympung kan bteng biang ha ka 7 tarik mynta u bnai hapdeng ka R. Ïawpynsing SC pyrshah ïa ka R. Wanshnong SC ha ka por 12 baje mynsngi, katba ka R. Shkenshyn-riah SC pyrshah ïa ka Sutnga SSCC ha ka por 2 baje noh phai sngi.
