Amlarem, Naiwieng 03
Ka Jarain C&SC ka la khur ïa ka jingjop ha ka lympung ïalehkai Super Division Football League ba la pynïaid da ka Amlarem Sub Divisional Sports Association (ASSA) ha madan Mini Stadium Ladjaplem, Amlarem mynta ka sngi Thohdieng.
Kane ka nam jop ka la wan hadien ba ka la lah ban pynliem noh ïa ka Amlarem Social Club da 1-0 bad ïa kane ka kol la thep da u Kamwadamonmi Pamthied ha ka minit kaba 70.
Ka jingïakhun kaba bud kata ha ka 6 tarik kan long hapdeng ka Umladkhur SC pyrshah ïa ka Dongmihsngi Mupyut ha ka por 2:30 baje nohphai sngi.
