Shillong, Naiwieng 03
Ka Kharang SC bad ka Ïaityllilang SC ki la long ba la pynkhreh ban ïaknieh ïa ka nam lahduh ha ka lympung ïalehkai U-20 4th Division Football League 2023 ba la pynïaid da ka Shillong Sports Association mynta ka sngi Saitjaiñ.
Kane ka jingïakhun final kan long ha ka por 2 baje noh phai sngi ha 1st Ground SSA Stadium, Polo.
Lyngba kane ka jingïoh rung sha ka final, ka Kharang SC bad ka Ïaityllilang ki la jam sha ka Third Division ha kaba kin ïoh ban ïashim bynta naduh u snem ban wan.
Kum ban shu pynkynmaw ha ki jingïakhun semi final, ka Ïatyllilang ka la lah ban pynliem noh ïa ka Mawkriah West SC da 1-0 kol, katba ka Kharang SC ka la jop da 1-0 kol ïa ka Lamlynti FC.
