Shillong, Naiwieng 03
Ka Sngap Syiem College na Mawkyrwat bad ka Lady Keane College ki la jam sha ka final ha ka lympung ïalehkai Inter College Football (Wo-men) Tournament 2023 ba la pynïaid da ka tnat ïalehkai jong ka skulbah NEHU.
Ha ka jingïakhun semi final kaba la long ha ka Sngi Thohdieng ha SAI-STC, Shillong, ka Lady Keane ka la lah ban pynliem noh ïa ka Shillong College lyngba ka tie-breaker da 5-4 kol hadien ba kine ki kynhun ki la ïakhaid mar shi kol.
Haba phai shah kawei pat ka jingïakhun semi final, ka Sngap Syiem ka la pynliem noh ïa ka Nong-stoiñ College da 1-0 kol.
Te kumta ka Lady Keane College bad ka Sngap Syiem College kin pynkhreh ban ïaknieh ïa ka nam lahduh ha ka jingïakhun final ka ban long ha ka sngi Saitjaiñ ha ka por 9.30 mynstep.
