Aizawl, Naiwieng:
Kum shi bynta ban bteng ha kaba ïadei bad ka jingïakhun pyrshah halor ki kam khaïi tuh, ki shipai jong ka Assam Rifles ha ka 3 tarik, ki la ïoh ban kurup ïa 295.28 grams u Heroin uba kot sha ka T. 2.06 klur ha Champhai distrik jong ka Mizoram.
Kumba la ïathuh ka tyllong khbor, la ong ba ka kynhun jong ki shipai ka tnat Assam Rifles bad ka Excise and Narcotics Department ki la ïoh ban kurup ïa u Heroin na uwei u nongshong shnong jong ka Myanmar.
Une u briew u la shah kem ha ki shipai ïada ri bad ka jingpyntreikam jong ki bor ka aiñ halor jong u ka dang ïai bteng. Ha kaba ïadei bad kane, ïa ka song jong u drok Heroin No 4 uba la kot sha ka T. 2,06,69,600 bad ïa u briew uba la rah ïa u la aiti noh sha ka tnat Excise and Narcotics Department, kaba ha Champhai na ka bynta ban leh ïa kaba donkam.
