Shillong, Naiwieng 05
Ka jingïaid lynti ka ‘thei ïakura ka Jylla ka Eva Waynie Marbaniang ha ka lympung ïalehkai 37th National Games ka la poi sha kaba kut hadien ba shah rem noh ha ka quarter final ha Goa.
Kane ka ‘thei ïakura ka Jylla ka la shah rem noh ha ka nongïakura na Assam ka Kambi Boro da 5-0 ha ka Sngi U Blei.
Kumba ka paw ka Eva ka la long tang marwei ban mihkhmat ia ka Jylla ha ka jingïakura bad ha ka pre-quarter final kaba la long ha ka 1 tarik mynta u bnai ka la lah ban pynliem ïa ka Shabana Kumari kaba na Kerela da 5-0.
