Imphal, Naiwieng:
Ha ka jingleit khynra bad ka jingbuh ïa ki Naka Checking ba la pynlong da ki shipai ïada ha Manipur ha ki jaka ba kham mih ki jingkulmar, la ïoh ban kurup ïa 3 tylli ki suloi AK bad kawei ka suloi ba siat lyer pynsat khmat na Imphal West distrik kaba don ha Manipur ha ka 3 tarik, Naiwieng.
Ki la don baroh kumba 134 tylli ki Naka ne ki Checkpoints ba la buh ha kiba bun ki distrik jong ka Manipur, kiba don ha baroh ar kata ha ki jaka lum bad ki jaka them bad ki pulit ki la ïoh ban kem ïa 1220 ngut ki briew ha kaba ïadei bad ka jingdonkti ha ki kam thombor ha kiba bun ki distrik jong ka jyla.
Ka jingleit khynra ka la long sha ki thaiñ kiba kham ap jingma na ka jingmih ki jingïakynad jong ka Thoubal bad Imphal West district. Ka jingleit khynra sha kylleng ki distrik jong ka Manipur ka dang ïai bteng khamtam ba la sdang biang ki kynrum-kynram ba la mih ha ka jylla.
