Shillong, Naiwieng 05
Ka lympung ïalehkai 4th (L) K. M Diengdoh Memorial Sohra Football League 1st Division ba la pynïaid da ka Sohra Sports Association (SaSA) ka la jam sha ka Super League, ka ban sdang naduh 7 haduh 17 tarik mynta u bnai.
Kine ki long ka Ïaiphyrnai S&YA, Royal FC, Seng Samla Mawmluh bad ka Seng Samla Laitryngew, ha kaba kin ïakhun ha madan ïalehkai jong ka Sohra Sports Association kaba don ha Saitsoh-pen, Sohra.
Ïa kane ka lympung la sdang naduh 23 tarik u Risaw kaba la plie da u MDC ka Sohra u Bah Titos Chyne kum u kongsan bad u Bah Challen Rajee kum u symbud kongsan ha ryngkat ka jingpynshngaiñ lang na ka liang ka ïing jong u (L) K. M Diengdoh ha ryngkat u President, General Secretary bad baroh ki dkhot nongkitkam ka Sohra Sports Association bad ki nongshah khot sngewbha.
Ha kane ka lympung ki la don phra tylli ki kynhun ki ban ïashim bynta kaba la phiah sha ar tyili ki group.
Ha kajuh ka por na ka liang ka Sohra Sports Association (SaSA) ka la pyntip ba ïa ka final la buh ban pynlong ha ka 25 tarik mynta u bnai.
