
Khliehriat, Naiwieng 06
Ka Ar Dolloi Veteran Football Team ka la pynliem kput ïa ka Khliehriat East haduh 11-0 kol ha ka lympung ïalehkai 1st Open to All Veteran Football Tournament ba la pynïaid da ka East Jaiñtia Hills District Football Association ha madan Artificial Turf Diengshynrum, Khliehriat ha ka Lah Sngi U Blei.
U Weshalbor Pathaw u la lah ban thep marwei haduh san kol kata ha ka minit kaba 10, 13, 16, 51 bad 67. Ïa ki ar kol la thep da u Swellmon Shylla ha ka minit kaba 19 bad 43, u Deisngi Kurbah ha ka minit kaba 32 bad 50 bad u Balentine Sana haka minit kaba 57 bad 65.
Haba phai sha ka jingïakhun kaba bud, ka 12-Dolloi Veteran Foot-ball Team ka la pynliem da 4-1 kol ïa ka R. Synrang Shahkhain Veteran Football Team.
Ïa ki kol jong ka 12-Dolloi la thep da u Nicos Laloo ha ka minit kaba 17 bad 70, u Golden Mu-khim ha ka minit kaba 29 bad u Wanmi Kassar ha ka minit kaba 71. Katba ka shi kol jong ka R. Synrang Shahkhain la thep da u Daphah Lapasam ha ka minit kaba 42.