Shillong, Naiwieng 06
Ka Pomsanngut SC ka la khur ïa ka jingjop ha ka lympung ïalehkai First Division Football League ba la pynïaid da ka Tyrsad Area Sports Association (TASA), hadien ba ka la lah ban pynliem noh ïa ka Phudbyrnei SC haduh 7-0 kol ha ka Lah Sngi U Blei ha madan Tyrsad.
U Shlurbor Kharshil-lot (23,55 & 83) Sam -borlang Mawlong (27, 40& 65) ki la ïoh ïa ka hat-trick hadien ba ki la ïoh ban thep mar lai kol, katba ïa ka shi kol la thep kham hashwa da u Lestarjun Umdor ha ka minit kaba 16.
Haba phai sha ki ar tylli ki jingïakhun jong ka Third Division, ka Lait-ñiangtlong bad ka Tyrsad Umkseh SC. Ka Lait-ñiangtlong ka la pynliem noh ïa ka Mawsingshad SC bad ka Tyrsad Umkseh ka la jop da 5-3 kol ïa ka Kyiem SC.
Kane ka lympung kan bteng biang ha ka 10 tarik ha kaba ka jingïalehkai ha ka First Division kan long hapdeng ka Umkseh SC pyrshah ïa ka Umkaber SC ha ka por 12 baje mynsngi, katba ka Mawlum Tyrsad SC ïa ka Wahlyngkien Sunei SC ha ka por 2:30 janmiet.
