Jowai, Naiwieng 06
Ka Dongmihsngi Mupyut ka la khur ïa ka jingjop ha ka lympung ïalehkai Super Division Football League ba la pynïaid da ka Amlarem Sub Divisional Sports Association (ASSA).
Kane la wan hadien ba ka Dongmihsngi Mupyut ka la pynliem da 3-1 kol pyrshah ïa ka Umladkhur SC ha ka Lah Sngi U Blei ha Mini Stadium Ladjaplem, Amlarem.
Ha kane ka jingïakhun ka Dongmihsngi ka la pynkhih jar nyngkong eh ha ka minit kaba 23 lyngba Ïashah Khongmuloi, hynrei tang hadien shiteng kynta ka Umladkhur ka la lah ban pynïakhhaid kylla lyngba u Dongmi Surong ha ka minit kaba 39.
Ka Dongmihsngi ka la ïoh ban thep biang sa ar kol lyngba u Deibormi Khyriem ha ka minit kaba 30 bad 72 na ka bynta ban khur syndon ïa ka jingjop.
Kane ka lympung kan bteng biang ha ka 8 tarik ha kaba ka Man Ibha SC kan ïakhun pyrshah ïa ka Seinbhalang SC ha ka por 2:30 baje nohphai sngi.
