Shillong, Naiwieng 06
Ka Lady Keane College ka la rah ïa ka nam lahduh ha ka Inter College Women Football Tournament ba ka pynïaid da ka tnat ïalehkai ka skulbah North-Eastern Hill University (NEHU), hadien ba ka la lah ban pynliem noh ïa ka Mawkyrwat lyngba ka tie-breaker da 3-1 kol ha ka sngi Saitjaiñ.
Ha ka jingïakhun final kaba la long ha SAI-STC, Shillong, baroh ar kynhun kim shym la lah ban pynkhih jar haduh kaba kut ka jingïalehkai. Lyngba ka tie-breaker ba ka Lady Keane ka la tam da 3-1 kol ïa ka Sngap Syiem.
Ïa ki khusnam sha kine ki kynhun la sam da u Prof. K. Debberma, Dean, School of Social Science ka NEHU kum u kongsan ha kaba la ïadon lang ruh u N. Das, Asst. Director (PE & Sports), NEHU cum Organizing Secretary bad kiwei.
