Tel Aviv, Naiwieng:
Wat hapdeng jong ka thma ba shyrkhei hapdeng ka Israel bad ki lehnoh Hamas, la ong ba u Director jong ka CIA- u William J.Burns, u la lah ban leit poi sha Israel ha ka Sngi U Blei, ban iakren bad ïamir jingmut halor ki jingeh jong ka thma Israel.
Katei ka jingleit jurip jong utei u heh ka CIA ka long ruh ha kane ka por katba ka United States ka dang pyrshang katba lah ban pyn kohnguh ia ka Israel ba kan sangeh noh shwa ia ka thma ha Gaza bad ban ioh pynpoi ia ki lad jingiarap bad ki mar bam sha ki paid nongshong shnong ka Gaza bad kumjuh ruh ban kyntu ia ka Israel ba kan ialeh ban nym ktah ne wanrah jingeh ia ki paidbah nongshong shnong.
Ka US ka dang ialeh shitom ruh ban iatrei lang bad ka Israel halor ka jingioh ban pyllait noh ia kiba shah rahbor ha ki lehnoh Hamas.
