Shillong, Naiwieng 06
Ka Meghalaya Cricket Association ka la pynbna ïa ki kyrteng jong ki 15 ngut ki ‘thei ïalehkai ki ban mihkhmat ia ka Jylla ha ka lympung ïalehkai jong ka BCCI ba la tip kum ka Women’s U-15 One Day Trophy, ka ban sdang mynta u bnai.
Ha kane ka lympung ka Meghalaya kan hap ban pynkhreh ïa ki san tylli ki jingïakhun ha Kolkata pyrshah ïa ka Assam, Jammu & Kashmir, Nagaland, Delhi bad ïa ka Karnataka.
Te kumta na ka liang ka kynhun kan sdang ïa ka jingkilanmet naduh 3 tarik ha Guwahati bad kan kut haduh 13 tarik mynta u bnai. Hadien kane ka kynhun kan leit sha Kolkata.
Ki kyrteng ki ‘thei ïalehkai ki kynthup ïa ka Anastesia Shullai, Anjana Kumari, Awesaina S Marak, Carieyoka Lyngdoh, Dejianna M. Sangma, Diya Biswa, Habandarisha Shangpliang, Jennyfer Fancon, Joannah Pyngrope, Lini Mandakini Ksoo, Mania Sangma, Mendy Adrena Mawlong, Ronjoli Basumatary, Steffenie Sohshang bad ka Zoya Tasneem. Katba ki lai ngut kiba la pynap lypa
(standby) ki long ka Evanrihun Sohshang, Bijimme Ch Momin bad ka Lawanjanai Synnah.
Yn shimti ïa kane ka kynhun da ka Rupashree Sharma (coach), Bhakupar Mylliemngap (assistant coach), Sweetie Marboh (trainer), Jakrimbal D Arengh (physio).
Ha kane ka lympung ka Meghalaya kan ïakhun nyngkong pyrshah ïa ka Assam ha ka 17 tarik, ïa ka Jammu & Kashmir (19 tarik), Nagaland (21 tarik), Delhi (23 tarik) bad ïa ka Karnataka (25 tarik).
