Shillong, Naiwieng 07
Ha ka sien ka ba nyngkong eh ka Meghalaya Roll Ball Association ka la lah ban pynlong ïa ka prokram ai jinghikai ïa ka jinglehkai Skating bad Roll Ball ha ka 5 tarik mynta u bnai ha Chilliangraij, Jowai.
Kane ka jingpynhikai ka la wanrah jingmyntoi ban kyntiew ïa ki khynnah kiba don sap don phong hapoh kane ka thaiñ. Kane ka la long ruh kaba jop bad ba seisoh ha kaba u Rangbah Shnong, Bah Dame Hiwot Pde, Sport Secretary, Bah Mayalang Lanong bad ki kynhun jong ki, ki lah long kiba kloi ban ïasnoh kti ha katei ka sngi.
La pynlong ïa kane khnang ban pynsaphriang bad kyntiew ïa kane ka jinglehkai Roll Ball kaba lah ban long kawei na ki jinglehkai kaban sa paw ha kane ka thaiñ bad ha ka ri hi baroh kawei.
