Baroh uba bakla, ïa kane ym lah len. U nongpop u don la ka bha ka sniew, kum u briew ba im. Na ki jingbakla, baroh ngi kylla im beit bad im thymmai la ka jingim. Namar ka dei ka pyrthei ïing shong basa, kumta, ki jingsniew jingthala ki long shibynta ka jingim briew. Bun uba bha, bun ruh uba sniew, hynrei ka shong ha manla u briew kumno ban pynbha ïa ki. U briew u tlot ha ka jinglong doh, kumta, bunsien u ju ngat bad ngop ha ki kam bymman ka pyrthei ne ki hukum kiba pyrshah. Ki jingbakla ne ki jingïaidlait ki dei ka dawbah kaba ki briew ki peit sniew, ki shun, ki kren pharshi, ka jingpynduh jingkyrmen, ka jingmushlia, bad ka jingpynkhlemraiñ hakhmat uba bun balang.
Kumta, lada baroh ngi dang dei ki briew kiba dang hap bishar da u juh u nongthaw balei pat ngi don ka jing-long sniew kata ka jingmushlia ïa ka kam kiwei.
shuwa ba ngin mushlia ïa ki kam kiwei, phi la ju pyrkhat mo ba ïalade hato phi la biang lut? Ka jingmushlia khamtam eh ïa ka longïing longsem kiwei ne ka kam shilok kiwei kynmaw ba ki jingkynphuit ne ki jingpynkhlemraiñ jong phi kaba khlem kheiñ shuh ïa ka sang ka ma ne ïa ka jingmong kaba ktah ïa ka jingsngew u briew pynkynmaw shuwa ïalade kaei ba phi la mad bad kiei ki jingeh kiba phi ïakynduh haduh mynta mynne. Lada kane ka jinglong mushlia ka ïai neh to tip ba kane ka ktah matïong ïa ka jinglong jong phi khamtam kum ka kynthei ne ka longkmie. Namar ki khun ki kti, ki kmie ki kpa ki long ka nam ka burom bad dei namar kane pyrkhat ïa ki khun bad pynduhnoh ka jingmushlia ka ba don ha phi. Namar ka jinglong ba sniew lade, wat lyngngoh khamtam ha ka jingdon duna ki paralok bad ka jingïadei bad ki. Lada kum ki kmie ne ka kynthei briew, phi shitom ha ka kamai kajih, na ka bynta u lane ka khun, kaei pat kaba pynlong ïa phi ïa ka sniew ka bakla kiwei. Hato lada phi im ha ka jingmushlia phi kiew mo ha ka spah ka phew, ne phi nang ring sdot. Lane hato kane ka jinglong mushlia ka ïaineh, ka lah mo ban ai kam ai jam ïa ngi ne pyllait ïa ngi na ka jingshah bishar na u Blei Trai kynrad.
Namarkata, shuwa ban poi la ka sngi, bishar, bad lada kum ki khristan ngi ngeit ïa kata, la dei ban pynduh shisyndon ïa kane ka jinglong ba sniew kata ka kam mushlia. Lada naphi phi pynpaw ba phi tip bha i’u Blei, bad khamtam haba phi lah lyndet ïa ka ktien U Blei balei pat phi im sa tang sa tang ha ki kam mushlia. Lada naphi phi la sdang ki kam mushlia, pyrkhat ki khun lei kin long aïu. Haba tip ba phim lah bsa ja ne ïa dei eiei bad ki, wat tam u thylliej ba ïoh ka jingmong kan sah dak sah junom. Kumta, im bha im miat kiar na ka ban mushlia.
