Shillong, Naiwieng 07
Ka Buddha Bhanu Saraswati (BBS) College bad ka NEHU, Shillong ki la khur ïa ka jingjop ha ka Inter College Cricket (Men) Tournament 2023 kaba la long ha ka sngi Ba-ar ha phyllaw jong ka skulbah NEHU.
Ha kane ka jingïakhun, ka BBS ka la pynliem noh ïa ka St. Edmund’s, College da 7 wiket. Hadien ba jop ïa kynting pisa, ka St. Edmund’s ka la kam trai ban tied nyngkong bad ka la kamai 76 run ha ki 20 over bad shah pynhap wiket baroh. Hynrei haba wan shimti ïa ka pali kaba ar ka BBS College ka la lah ban kynjoh sha ka thong ha ki 13 over bad shah pynkhyllem 3 wiket.
Haba phai sha kawei pat ka jingïakhun ka NEHU ka la pynliem noh ïa ka between Umshyrpi College da 2 wiket. Ka Umshyrpi College kaba la shimti ban tied nyngkong, ka la kamai 150 run bad shah pynkhyllem 7 wiket ha ki 20 over. Hynrei ka NEHU ka la kynjoh sha ka thong ha ki 18 over hadien ba ka la shah pynkhyllem 8 wiket.
Ka jingïalehkai ha ka sngi Balang kan long hapdeng ka NEIAH, Shillong pyrshah ïa ka Shillong College naduh ka por 8:30 mynstep.
