Shillong, Naiwieng 07
Ka Meghalaya Football Association (MFA) ka la pynbna ïa ki kyrteng jong ki ‘thei ïalehkai ki ban mihkhmat ïa ka Jylla ha ka lympung ïalehkai 28th Senior Women’s National Football Championship 2023-24 ka ban long ha Odisha.
Ha kane ka lympung ka Meghalaya kan ïakhun pyrshah ïa ka Odisha, Gujarat, Arunachal Pra-desh bad Goa. Te kumta ka jingïakhun kaba nyng-kong kan long pyrshah ïa ka Odisha ha ka 12 tarik mynta u bnai.
Hashwa ba kane ka kynhun kan mih na kane ka nongbah, na ka liang ka MFA ka la pynlong ïa ka jingïalang ha madan Polo na ka bynta ban ai ka jingkitbok kitrwiang ïa kane ka kynhun.
Ha kane ka sngi la ïadon lang u Secretary u Bah Sunesh Syiem, kum-juh u Vice President u Bah Cliff Nongrum, u Chair -man ka Women Comm -ittee Bah Phelenstar Rani, Bah Dipshon Nongbri, u Treasurer Bah Prosper Warjri bad u Bah Freddy Kharpran.
Na ka liang u Bah Sunesh u la ai khublei kitbok kitrwiang ïa kane ka kynhun ba kan ïalehkai bha ha kane ka lympung khnang ba kan lah ban kynjoh sha ka thong. “Kum ki nongïalehkai ki dei ruh ban long kiba biang ha ka discipline ha ryngkat ka jingtrei shitom ha ka kam ïalehkai.”
Ki kyreng ki 22 ngut ki ‘thei ïalehkai ki long ka Banrisha Lyngdoh Nong-bri, Banrisha Wahlang, Priyanka Latam, Baïar-kynti Mylliemngap, Aiba-plielad Skhemiew, Badari-sha Kharumnuid, Danishi -sha Lyngdoh, Kynroh Baskhem Shylla, Fulda-mary Umsong, Saviinity Jyndiang, Tracy Rympei, Sunalinda Ïawren, Marba-rin Nongrum, Ibakordor Wahlang, Makrisha Song -thiang, Filicia Sympli, Ideibanrishisha Kharpan, Saralin Warlarpih, Daai-jingsuk Basaiawmoit, Char -linda Nongtdu, Cynthia Mylliem Umlong bad ka Phidarilin Swer.
Ïa kane ka kynhun yn shimti kum ka coach da ka Kong Ïaikyntiew Nong-kynrih bad ka Sharmila Kharbani kum ka Asst Coach.
Ka jingïakhun kaba ar jong ka Meghalaya kan long ha ka 14 tarik pyrshah ïa ka Gujarat, Arunachal Pradesh (16 tarik) bad ïa ka Goa (19 tarik).
